ತುಮಕೂರಿನ ಬಾರ್‌ಗಳಲ್ಲಿ ಮದ್ಯದ ಬಾಟಲಿ ಮೇಲಿನ MRPಗಿಂತ ಹೆಚ್ಚು ಹಣ ವಸೂಲಿ ಆರೋಪ! ಹಳ್ಳಿಯಲ್ಲಿ ಮನೆ ಬಾಗಿಲಿಗೆ ಬರುತ್ತಾ ಎಣ್ಣೆ?
ತುಮಕೂರಿನ ಕೊಡಿಗೇನಹಳ್ಳಿ ಹಾಗೂ ಮಧುಗಿರಿ ಉಪವಿಭಾಗದ ಗ್ರಾಮೀಣ ಪ್ರದೇಶಗಳಲ್ಲಿ ಇತ್ತೀಚೆಗೆ ಅಕ್ರಮ ಮದ್ಯ ಮಾರಾಟ ಮಿತಿಮೀರಿದ್ದು, ದಿನಸಿ ಹಾಗೂ ತಂಪು ಪಾನೀಯ ಅಂಗಡಿಗಳೇ ಕುಡಿಯುವ ಅಡ್ಡೆಗಳಾಗಿ ಪರಿವರ್ತನೆಯಾಗುತ್ತಿವೆ. ಇನ್ನು ಲೈಸೆನ್ಸ್ ಹೊಂದಿರುವ ಸಿಎಲ್-2 ಮಳಿಗೆಗಳಲ್ಲಿ ಎಂಆರ್‌ಪಿಗಿಂತ ಹೆಚ್ಚಿನ ದರ ವಸೂಲಿ ಮಾಡುತ್ತಿದ್ದು, ಬಿಲ್ ನೀಡದೆ ಗ್ರಾಹಕರ ಮೇಲೆ ದೌರ್ಜನ್ಯ ಎಸಗಲಾಗುತ್ತಿದೆ. ಅಷ್ಟೇ ಅಲ್ಲದೆ, ದ್ವಿಚಕ್ರ ವಾಹನ ಹಾಗೂ ಕಾರುಗಳ ಮೂಲಕ ಹಳ್ಳಿಗಳಲ್ಲಿ ಮನೆ ಬಾಗಿಲಿಗೆ ಮದ್ಯ ತಲುಪಿಸುವ ಜಾಲ ಸಕ್ರಿಯವಾಗಿದ್ದು, ಅಬಕಾರಿ ಇಲಾಖೆ ತಕ್ಷಣವೇ ಕಟ್ಟುನಿಟ್ಟಿನ ವಿಶೇಷ ತಪಾಸಣೆ ನಡೆಸಿ ಅಕ್ರಮ ಜಾಲವನ್ನು ಮಟ್ಟ ಹಾಕಬೇಕೆಂದು ಸಾರ್ವಜನಿಕರು ಆಗ್ರಹಿಸಿದ್ದಾರೆ.
